Османи: Најдов начин да му испратам порака на Морина дека нема шанси да биде екстрадиран во Србија

by fokus 13:06
13:06

Вицепремиерот Бујар Османи вели дека му испратил порака на поранешниот припадник на УЧК, Томор Морина, за да го увери дека нема шанси да биде ексрадиран. Османи побара од Кривичниот суд да му дозволи да го посети Морина во притвор, но судот го одби ова барање.

Во изјава за ТВ21 рече тој вели дека ја почитува судската одлука, но дека сепак пронашол начин да му се обрати на Морина и да му даде до знаење дека прават сѐ за да не биде екстрадиран во Србија.

- Advertisements -

„Најдов начин да му испратам порака на господинот Морина дека ги активиравме сите домашни механизми за да ја разјасниме ситуацијата и што поскоро да се донесе позитивна одлука за него и да се гарантира дека нема теоретски шанси да биде екстрадиран во Србија, како и дека она за што се ангажирам е да биде ослободен од притвор додека не завршат постапките во Министерството за правда и додека министерството не донесе одлука дека нема да биде екстрадиран“, рече Османи.

Коментирајќи ја вчерашната изјава на косовскиот амбасадор, Ѓерѓ Дедај дека екстрадицијата може да ги наруши односите Косово-Северна Македонија, Османи дециден дека испорачување нема да има, за што очекува одлуката да биде донесена уште в понеделник.

Поврзани новости