Вицепремиерот Бујар Османи на вечерашната прес конференција прво им се заблагодари на граѓаните за почитувањето на рестриктивните мерки. Рече дека имало одредени пропусти, но ситуацијата никогаш не излегла од контрола.
-Почитувани граѓани, сакам да ви се заблагодарам на високата свест и за придржувањето до рестрктивните мерки. Со тоа станавте десна рака на здравствените работници. Имаше и одредени пропусти и критики кон нас во однос на имплементирањето на мерките, но морам да кажам дека оваа закана е невидена претходно. Така да ова не беше лесно ни за Владата, ниту за граѓаните кои мораа да ги сменат своите навики. Но, и поради малите пропусти, во ниту еден момент не излезе од контрола. Денешните укинување на рестрикциите не се ад хок решенија, туку се дел од една стратегија, рече Османи.