OJO со контра истрага за донаторите на СДСМ

by fokus

Јавното обвинителство отвори истрага за донациите на СДСМ за последните избори, објави Телма, повикувајќи се на високи партиски функционери на партијата. Постапката била отворена на почетокот на февруари, а биле проверувани транспортери, печатници и донатори на партијата. Засега не е повикан на распит никој од СДСМ.

Во меѓувреме пак, Специјалното јавно обвинителство, забрзано работи на истрагата за донациите на ВМРО-ДПМНЕ за време на изборите во 2014-та. Случајот беше отворен во октомври, минатата година врз основа на досега необјавени разговори од прислушуваните материјали.

Во СЈО досега се свикани на распит стотици членови и функционери од партијата. Токму поради тоа, ДПМНЕ вчера организираа и протест во Охрид, каде во еден ден стигнаа 200 покани од СЈО. Од партијата обвинија дека СЈО работи по нарачка на СДСМ, а тоа што ги свикале на распит го оценија како тортура врз народот.

Поврзани новости