Охридскиот маратон ќе биде во организација на Агенција за млади и спорт, со владина поддршка

by Фокус 16:52
16:52

Агенцијата за млади и спорт со владина поддршка ја презема организацијата на Охридскиот маратон, известуваат од АМС по повод случувањата со традиционалната спортска манифестација кои деновиве ја брануваат јавноста.

Како традиција, која Охрид и државата ги става во центарот на светската спортска мапа, Агенцијата за млади и спорт, заедно со Владата Република Северна Македонија, заедно со сите надлежни институции, нема да дозволат овој познат, реномиран и светски признаен пливачки маратон да прекине и ќе ја преземе организацијата за одржување на маратонот.

И годинава, Охридскиот маратон во водите на Охридското езеро ќе ги пречека сите пријавени учесници и ќе продолжи да биде атракција како за вљубениците во спортот, така и за граѓаните на Охрид и за сите туристи кои наменски доаѓаат токму за да го проследат овој голем спортски настан. Повеќе детали за одржувањето на Охридскиот маратон, директорот на Агенцијата за млади и спорт, Наумче Мојсовски ќе соопшти утре, петок, 19 август, која ќе се одржи во 10.00 часот во просториите на општината Охрид-информираат од АМС.

Вчера, од Националната пливачка федерација информираа дека годинава нема да се одржи маратонот, бидејќи сметката им била блокирана поради претходните раководства. Денес пак, охридскиот градоначалник Кирил Пецаков соопшти дека годинава 60-годишниот јубилеј на маратонот ќе го организира општината, бидејќи станува збор за традиционален спортски настан кој е белег на градот.

Поврзани новости