Одбиена жалбата на СЈО, Грујовски останува на слобода

Кривичниот совет ја отфрли жалбата на Специјалното јавно обвинителство, кое бараше притвор за Горан Грујовски, првоосомничен во случајот „Тврдина”. Советот ја потврдил одлуката на судијката Александра Поп-Стефанија, со која на Грујовски му се одзема само пасошот.

-По разгледување и ценење на жалбите, советот донесе одлука со која двете жалби ги одби како неосновани и го потврди решението на судија на претходна постапка, со што на Г.Г. му се определува превентивна мерка – одземање на патна исправа“, стои во соопштението од судот.

Грујовски и уште четворица осомничени, меѓу кои и ексминистерка за внатрешни работи Гордана Јанкулоска, се сомничат за уништување на опремата за прислушкување вредна 10 милиони евра.