Од среда да се укине полицискиот час, предложи Комисијата за заразни болести

by Fokus 09:42
09:42

Комисијата за заразни болести утрово на состанок донела одлука да препорача укинување на полицискиот час од среда (16 јуни), информираше министерот за здравство Венко Филипче.

Укинувањето е предложено бидејќи, вели Филипче, епидемиолошката состојба е стабилна и го дозволува тоа.

- Advertisements -

Исто така, се предлага и укинување на ограничувањето да има максимум 100 гости на свадби и други прослави.

Комисијата за заразни болести даде зелено светло и за организација на настани, концерти и забави во клубовите и локалите само на отворено, со капацитет до максимум 50% од објектот и не повеќе од 1 000 лица.

Овие одлуки беа предложени на Кризниот штаб, кој  ги прифати и ќе ги препорача до Владата за усвојување.

 

 

Поврзани новости