На 56-годишна возраст почина поранешниот претседател на Република Албанија Бујар Нишани.
Поранешниот претседател повеќе од еден месец бил префрлен од болницата Шефќет Ндроќи во болница во Германија на специјализирано лекување, но во меѓувреме паднал во кома.
Лекарите ги советувале членовите на семејството да донесат одлука за еутаназија, поради изгубените надежи дека ќе се разбуди.
Нишани беше примен на болничко лекување во Тирана на 20 април поради компликации од пневмонија започната со пост-ковид фиброза во белите дробови. На 23 април бил префрлен на лекување во Германија.
Нишани боледуваше од автоимуна болест на црниот дроб и не можеше да ги надмине последиците што вирусот Ковид 19 ги остави во телото.
Бујар Нишани е роден на 29 септември 1966 година, а претседателската функција ја презеде на 24 јули 2012 година и ја заврши во јули 2017 година.