Државната изборна комисија до истекот на предвидениот рок од 48 часа вкупно од партиите кои учестуваа во првиот круг на локалните избори доби 46 приговори од кои најголем дел или поточно 43 се поднесени од страна на опозициската ВМРО-ДПМНЕ. Преостанатите три приговори се поднесени од Алијанса за Албанците, Левица и ТМРО.
Приговорите се поднесени за самата постапка на гласање, како и за постапувањето со материјалот откако гласањето е завршено. Сега следен чекор е ДИК да ги разгледа поднесените приговори на седница која ќе ја закаже претседателот Александар Чичаковски.
ВМРО-ДПМНЕ по завршувањето на првиот круг на две прес конференции, едната на Никола Србов, втората на лидерот Груевски истакна дека според нив изборите биле спроведени во нефер и тензична атмосфера и дека на денот на гласањето имале информации за бројни нерегуларности.