Новиот објект на НБРМ ќе се гради врз подземни инсталации, 200.000 евра за заштита на градежната јама

by fokus 12:29
12:29

Народната банка на Република Македонија склучи анекс на договорот за изградба на новиот административен објект со градежната фирма „Бетон – Скопје“ поради непредвидени работи. По отпочнување на изградбата се појавиле подземни инсталации на ЈП Водовод и Канализација, БЕГ и ЕВН, кои мораат да се заштитат за да не дојде до хаварија или нивно оштетување.

„Станува збор за инсталации од водовод, атмосферска и фекална канализација, топловоден канал, високонапонски кабли и други подземни инсталации. За изведување на градежните работи – заштита на градежната јама, неопходно е да се предвиди и изведе заштита на истата за да не дојде до хаварија или оштетување на постоечките инсталации. Предлог проектот содржи изведување на армиранобетонски шипови кои ќе се поврзат со поврзна греда и истите треба да бидат вкопани во носивото тло“, ја образложуваат од НБРМ причината за анекс договорот.

Новата зграда на Народна банка до сега чини околу 24 милиони евра и ќе биде изведена во неокласичен стил, карактеристичен за „Скопје 2014“. На фасадата ќе има столбови и склуптури, по идејното решение на архитектите Никола Стакинов и Лазар Димов, автори на дел од новите фасади од централното градско подрачје.

- Advertising -

Градежното земјиште и е доделено на НМБРМ на трајно користење од страна на Владата. Новата локација Народна банка ја доби откако претходно ја врати доделената парцела пред зградата на „Лумикс“ на плоштадот „Македонија“, каде е предвидена изградба на т.н. шпански скали.

Поврзани новости