Нови апсења поради дрога, шестмина скопјани уапсени на патарината кај Гостивар

by fokus

Шестмина скопјани на возраст помеѓу 23 и 33 години, биле вчера уапсени на патарината кај Гостивар поради поседување марихуана. Кај двајца од нив полициски службеници нашле и кокаин.

„На 02.08.2019 во 20,15 часот кај наплатната рампа Гостивар од страна на полициски службеници од Полициската станица Гостивар лишени од слобода биле К.Н.(27) и Б.Д.(23) двајцата од Скопје поради тоа што кај нив биле пронајдени марихуана и кокаин. Лицата биле приведени во полициска станица за понатамошна постапка.

На 02.08.2019 година во 22,00 часот часот кај наплатната рампа Гостивар од страна на полициски службеници од Полициската станица Гостивар лишени се од слобода биле И.М.(29), И.А.(33), Г.М.(32) и Л.Н.(32) сите од Скопје поради тоа што при извршен преглед кај нив била пронадена марихуана“, соопштија од полицијата.

Претходниот ден МВР во полициска акција уапси десетина лица за поседување наркотични средства. Меѓу нив беше и полициски службеник кој е фатен со кокаин.

Поврзани новости