Нови 54 случаи на корона вирус, најмногу од Тетово

Министерството за здравство информира, согласно податоците од Институтот за јавно здравје дека во последните 24 часа се направени 3.087 тестирања, а регистрирани се 54 нови случаи на КОВИД-19: Тетово – 32, Скопје – 13, Дебар – 4, Гостивар и Валандово – по 2, Кичево – 1.

Починато е едно лице од Тетово, на возраст од 77г, во болнички услови. Регистрирани сe 28 оздравени пациенти од: Скопје – 12, Куманово – 4,  Тетово – 3, Кичево, Велес, Охрид и Струга – по 2, Струмица– 1.

Вкупната бројка на КОВИД-дијагностицирани лица во нашата земја од почетокот на епидемијата изнесува 156.506 бројката на оздравени пациенти е 150.399, на починати е 5.494, а бројот на активни случаи изнесува 613.