Нов протест „против насилството“во Белград, демонстранти го опколија РТС

by Фокус

Десетици илјади граѓани го опколија јавниот сервис на Радио и телевизија на Србија (РТС) во центарот на Белград, на нов протест под слоганот „Србија против насилството“, од кој, според српските медиуми, се слушаат повици за оставки од функционери.

На протестот повика дел од опозицијата, критикувајќи ја реакцијата на власта по двете масовни убиства што се случија на почетокот на мај во Србија, во кои беа убиени 18 лица.

Поради големиот број насобрани луѓе, поместена е заштитната ограда околу зградата на Собранието, за учесниците на протестот да можат да се пробијат до зградата на РТС. Организаторите во своите изјави повикаа на мирна прошетка.

Целта на одење до зградата на јавниот медиумски сервис, како што претходно најавија организаторите, е РТС да известува за протестите и за упатените барања. Јавниот сервис ја започна својата централна информативна програма вечерта на 27 мај со прилог од протестот.

Меѓу барањата се и разрешување на министерката за полиција Братислава Гашиќ и директорот на Безбедносно информативната агенција Александар Вулин.

Тие бараат и замена на Регулаторното тело за електронски медиуми, затворање на таблоидите кои пропагираат насилство и го прекршуваат кодексот и одземање на националните фреквенции од телевизиите Пинк и Хепи.

Како одговор на убиствата, државата покрена акција за одземање оружје од граѓаните, а беше зголемена и безбедноста околу училиштата.

Поврзани новости