Нино и тамбурашите и Севе и фетиш танчерките ќе ги измерат силите вечерва

by Fokus 11:06
11:06
Популарната хрватска пејачка Северина и кумановскиот фолк пејач Нино Величковски, утре ќе имаат меѓусебен натпревар кој ќе собере повеќе публика на својот настап, бидејќи и двајцата имаат договорено настапи во ист термин, Севе на плоштад во Берово, а пак Нино на плоштад во Куманово.

severina3
Манифестацијата која што ќе се случува во Берово со наслов ,,Етно Плоштад Фестивал,, се одржува од 26 до 28 август, а покрај концертот на Северина, од Општината ветуваат добра забава со Горан Алачки, Фолтин, Нокаут, Влатко Лозановски и други. По настапот на Северина, посетителите ќе можат да проследат и ,,Фетиш денс шоу,, во изведба на професионални танчерки од Бразил и Австралија. Инаку, и покрај настапите на Севе и ,,фетиш,, танчерките, Берово го најавува настанот како реномиран музички фестивал за зачувување на културното наследство.

Во Куманово пак, во тек е мeѓународниот тамбурашки фестивал на кој што учество завземаат 120 тамбураши. Вчера настап имаше кумановската група ,,Амадеус,, со Игор Васиљков, триото ,,Гранде плус,, со Бубо Каров од К15, тамбурашкиот оркестар ,,Бранко Радичевиќ,, од Рума, Србија, тамбурашкиот оркестар ,,Здравко Ќосиќ,, од Бања Лука и оперската певица Радмила Смиљаниќ од Белград. Вечер ќе настапат ,,Наши тамбураши,, и Нино Величковски, кој што е и уметнички директор на фестивалот, Ивона Јовановиќ и Мартинијан, и тамбурашки оркестри од Словенија. За фестивалот, кој што се држува веќе 12 години, Општина Куманово издвои 600.000 денари, а Министерството за култура 200.000 денари.


nino velickovski1
Не е познато за колкав хонорар ќе настапуваат Северина и фетиш танчерките во Берово. И двете општини најавуваат незаборавни забави и веруваат дека ќе привлечат десетици илјади посетители.

Поврзани новости