Николовски: Миленко Неделковски добил земја за соработката со Груевски

by Фокус 19:20
19:20

Дополнителниот заменик-министер за земјоделство, шумарство и водостопанство, Љупчо Николовски, денеска  на пресконференција соопшти дека Миленко Неделковски располага со земјиште од 186 хектари, кое го добил од премиерот Никола Груевски за соработката со него.

-Еве ја тековната состојба на корисникот на концесијата НАТУРАЛ ФУД ДОО Градско издадена на 29.12.2015 година. Сопственици се Виолета Неделковска и Друштвото за продукција ВОНДЕР ИНТЕРНАЦИОНАЛ- М ДООЕЛ Скопје. Еве ја и тековната состојба на ВОНДЕР ИНТЕРНАЦИОНАЛ- М ДООЕЛ Скопје издадена исто така на 29.12.2015 година. Сопственик Виолета Неделковска, а управител Миленко Неделковски, миленикот на Никола Груевски. Сите со иста адреса и место на живеење. Со овој договор фирмата НАТУРАЛ ФУД ДОО Градско со само 60 кози користи пасиште кое одговара за 744 грла добиток, рече Николовски.

- Advertisements -

Тој побара од Агенцијата за финансиска поддршка на земјоделството и руралниот развој да достави податоци колку субвенции користат, како што рече тој, милениците на Груевски, дали се посетувани од инспекции и дали произведуваат или површините се користат само за земање на субвенции.

Поврзани новости