Дали Зоран Заев се спрема за бегство во Бугарија после поразот на парламентарните избори, праша потпретседателот на ВМРО-ДПМНЕ Александар Николоски, кој на прес-конференција обелодени дека членови на семејството Заеви формирале две нови компании во Бугарија во мај 2019 година.
-Покрај трите фирми во сопственост на Заеви во Бугарија: „Ориентал Груп“, „Гомасидра“, „Радиша Трејд“ формирани откако Заев е на власт, формирани се уште две нови фирми во последните месеци. Двете нови компании се сопственост на братучедите на Зоран, Трајче Заев и Бобан Заев, а се основани во Петрич. Новите компании „Медикал 420БГ“ и Фарма „ЕУ БГ“ се со потписот на братучедите Трајче и Бобан Заев. Овие фирми се основани после претседателските избори, кога веќе мирисаше на скандалот „Рекет“ – истакна Николовски.
Притоа, тој рече дека двете нови бугарски фирми на Заеви се јавуваат како целосни или делумни сопственици на компании во Македонија.
