Ненајавена вежба на припадници на полициската единица „Алфи” на 15 ти септември го активирала безбедносниот систем на амбасадата на САД, пишува Призма.
Сирените ги активирале присуството на дваесетина „Алфи“ во близина на амбасадата, што довело до активирање на американските безбедносни протоколи и до инструкции за вработените да се тргнат од прозорците и да се засолнат.
Целата драма, настанала бидејќи тие симулирале реакција во случај на терористички напад на амбасадата на САД, без за тоа да ја известат амбасадата.
Извори на БИРН велат дека за симулацијата освен амбасадата, не знаеле ниту директорот на Бирото за јавна безбедност Митко Чавков, ниту министерот Оливер Спасовски. Операцијата била по наредба на Пуки, началникот на Алфите.
Следниот ден бил одржан состанок помеѓу претставници на МВР и на амбасадата, на кој бил констатиран и признаен пропуст од македонските безбедносни сили. Пуки, началникот на „алфите“, за „пропустот“ заработил опомена од Ивица Вучевски, началник на СВР Скопје и негов непосреден претпоставен.