Нема потреба од лидерска средба, Мицкоски ниту има став ниту одговорност, вели Заев

Нема потреба од лидерска средба, посочи денеска премиерот Зоран Заев на новинарско прашање, додавајќи дека со лидерска средба ќе се одмогне процесот на евроинтеграциите на Северна Македонија.

„Не гледам потреба за лидерска средба. Во моментов ЕУ подготвува прва Меѓувладина конференција. Тоа значи официјален старт на преговорите. Јас го предупредив македонскиот народ дека постои можност и да не се одржи Меѓувладината конференција. Мицкоски ниту имал став ниту имал одговорност. Сметам дека ќе го одмогнеме процесот ако свикуваме лидерски средби“, истакна Заев.