Нелоски: Фирма донатор на СДСМ доби нов тендер за набавка на 11 возила

by fokus

Нов тендер за набавка на возила за потребите на државните институции доби фирма донатор на СДСМ. Се работи за кумановската фирма Делукс – Ауто која го доби тендерот и од Централниот регистер на Македонија во вредност од на 8.3 милиони денари за набавка 11 моторни возила, изјави денеска Владимир Нелоски, член на ИК на ВМРО-ДПМНЕ.

-Лани без тендер, во четири очи Делукс Ауто Куманово направи зделка тешка еден милион евра со Министерството за внатрешни работи и Оливер Спасовски за набавка на 45 шкоди. Соседите на Оливер Спасовски може немале да понудат некоја иновација, но за тоа повторно успеа да добијат тендер тежок над 8.3 милиони денари. Иако ова компанија не е увозник, тука е само дистрибутер на возила, кога се работи за добивање на тендер од државните институции е иновативна во понудите и фаворит на јавните набавки – рече Нелоски.

Според него за само 7 месеци годинава, фирмата донатор на СДСМ Делукс- Ауто од Куманово, како што вели, има добиено повеќе тендери за повеќе јавни набавки во вредност од над 24 милиони денари или околу 400 000 евра.

-Делукс Ауто досега има добиено тендери од неколку државни и локални институции, како Македонски енергетски ресурси (МЕР), Министерство за одбрана, Oпштина Куманово, ЈП Студенчица- Кичево, Центар за јавно здравје Куманово и други. Откако криминалниот картел е на власт, донатор фирмата Делукс Ауто, за нешто повеќе од една година има добиено тендери во висина од над 1.5 милиони евра. Дали преку овие јавни набавки и добивање на државни пари, СДСМ и Зоран Заев се одолжуваат на фирмите и лицата кои им донирале во нивната партиска каса? Дали граѓаните се должни своите пари да ги плаќаат за богатење на криминалниот картел и нивните блиски соработници? Само за возила, само на една фирма која е донатор на СДСМ, од државата и се исплатени преку 1,5 милион евра, а Заев се колнеше пред избори дека немало да купува мебел и возила. Што ли ќе се случеше ако човекот не се колнеше? Но, толку му тежи зборот. Се што кажа, излажа. Одговорност за овие скандали на СДСМ, Зоран Заев и неговите соработници мора да има. Одговорност за овој грабеж кој го прави оваа криминална власт мора да има. Правдата во Македонија ќе се врати и државата не смее повеќе да биде заложник на СДСМ и Зоран Заев. Македонија мора и ќе победи – порача Нелоски.

 

Поврзани новости