НДМ бара од Заев да го разреши Тевдовски поради високите бонуси во ДИК

by fokus 13:19
13:19

Партијата Народно движење за Македонија, упати јавно барање до премиерот, Зоран Заев, да го разреши министерот за финансии, Драган Тевдовски, како што велат од таму, затоа што е одговорен за високите бонуси кои си ги поделиле членовите на ДИК.

Според партијата на Јанко Бачев, министерството за финансии знаело практично се за одобрените буџетски средства за редовни и дополнителни плати на ДИК како буџетски корисник.

- Advertisements -

„Од тука произлегува дека членовите на ДИК се полакомиле откако министерството за финансии им ги дало парите за непотребно луксузирање врз грбот на даночните обврзници што е длабоко неморален чин од министерот кој раководи со ова министерство. Затоа, НДМ бара разрешување на министерот за финансии бидејќи вината не е само кај тие што краделе народен имот, туку, и кај тие што им ја одобриле и дозволиле кражбата“, се вели во соопштението на НДМ.

Од таму изразуваат задоволство од оставките на членовите на ДИК, но велат дека тоа не е доволно.

„Според законот, токму министерството за финансии води регистар на корисниците на буџетските средства, управува со финансиските средства од Буџетот, за што, во негови рамки се основа и трезор кој води евиденција на сите трансакции на приходите и трошоците на буџетот, ги анализира и оценува предлозите на буџетските корисници за средствата кои им се потребни за плати, а по усвојувањето на буџетот мининистерството за финансии ги известува буџетските корисници за средствата што им се одобрени за плати“, посочуваат од партијата.

Поврзани новости