Наутро добар дедо, навечер тепач на жени: Ременски објави дека е идентификуван насилникот во Собранието

by fokus 13:04
13:04

Фросина Ременски, пратеничка од редовите на СДСМ ја извести јавноста дека напаѓачот од Собранието кој што крвнички ја удирал по стомакот и нозете, бил идентификуван.

Иако се работи за повозрасен маж, таа е изненадена од, како што вели, неговата ,,крв во очите’’ и зборовите што ги извикувал додека ја удирал.

- Advertisements -
WEB Baneri (300x250)_CLIO_

,,Она на што никогаш не сум помислила дека е можно е човек во години кој сигурно е дедо со внуци, ќерки, снаи, без тронка свест и заддршка ќе се осуди, јавно, пред многу луѓе (сведоци), крвнички да ме клоца во нозете и стомакот со некаква „карате вештина“, со крв во очите, извикувајќи зборови кои можете да ги слушнета само во нацистички филм! Виталниот старец со „патриотски набој“ е идентификуван и ќе го стигне правдата..
Она што деновиве му поминува низ глава, гледајќи го модрилото по моето тело и раните преку кои дојдоа на свет моите два сина се сеќавањата од детството дека, мојот роден татко никогаш нема кренато рака на мене, ниту било кој друг човек што го познавам !
Ова не се заборава!’’ – пишува Ременски на својот Фејсбук профил.

При тоа, таа изразува загриженост поради информацијата дека насилникот бил вработен во детска градинка во Аеродром.

,,И на крајот, ако е точна информацијата дека овој човек работи во детска градинка во Аеродром, каде што родителите си ги носат своите најмили, тогаш навистина имаме проблем на какви умови им ги оставаме најмилите’’ – алармира Ременски и постира фотографии од тепачот.

Вики Клинчарова

Поврзани новости