Наум Петрески: Најголемите концерти им ги дадоа на владините музичари, долу Влада!

by Fokus

Од минатиот месец веќе почнаа да се организираат концерти во Македонија, откако повеќе од една година не бевме сведоци на такво нешто.

Голем дел од датумите се резервирани, а општиот впечаток е дека поголема предност се дава на музичките изведувачи од соседството отколку на домашните.

Популарната Цеца ќе има свој настап во август во Пробиштип, а се најавуваат и уште неколку српски ѕвезди кои летово ќе гостуваат во државава.

Македонскиот пејач Наум Петрески, во изјава за „Фокус“ вели дека е разочаран од ваквиот развој на настаните во Македонија.

„Немам коментар. Долу Влада. Најголемите концерти им ги дадоа на владините музичари и тоа е тоа. Нема мерило во оваа земја за квалитет, туку за партиска припадност. Затоа ја губиме и изгубивме земјава“, кратко ни рече Петрески.

Фото – Роса продукција

Јорданчо Цветаноски

Поврзани новости