Нашите пејачи во борба со кубански и киргистански музичари за 30.000 евра од Министерство за култура

by fokus

Годинава традиционалниот музички фестивал Макфест, наместо во јуни, ќе се одржи во првата недела на месец октомври во Штип.

Веќе пристигнале околу 140 песни на конкурсот од наши, но и од изведувачи од Киргистан, Куба, Шпанија, Германија и други.

На трите фестивалски вечери ќе бидат изведени 30 нови забавни мелодии, а извеувачите ќе настапуваат во живо, во придружба на Ревискиот оркестар на МРТВ.

Организатор на настанот е Општина Штип заедно со Министерството за култура, и повторно ќе следат богати награди за учесниците.

За првото место предвидени се 10.000 евра, втората награда е 7.500 евра, трета награда изнесува 5.000 евра, награда за најдобра вокалска изведба во износ од 1.000 евра, како и награди за најдобар аранжман, дебитант и сценски настап, секоја по 1.000 евра. Високите парични награди се една од причините поради која што Макфест е еден од најатрактивните фестивали за нашите музичари, но и за странските изведувачи.

Минатата година на Макфест победи Александра Јанева со песната ,,За сто години’’. Таа победи и во 2013 година со песната ,,Врати ми го сонцето’’.

Како еден од најчестите победници на фестивалот е Ристо Самарџиев, кој што досега има однесено четири победи, два пати како соло пејач, и два пати во дует. Исто така, и Бојана Атанасовска, сега Скендеровски има победено два пати на Макфест, Биба Додева исто така се има закитено со две победи, Дуле и Коки еднаш како дуо, а вториот пат со заедничка песна со Ристо Самарџиев.

Вики Клинчарова

Поврзани новости