Напад во Холандија: Пукање кон патници во трамвај

EPA (Robin van Lonkhujisen)

Неколку лица се повредени откако непознато лице отворило оган врз патници во трамвај во холандскиот град Утрехт.

Нападот се случил утрово на периферијата на градот, во близина на болницата Оуденријн, а полицијата ги блокира улиците околу местото на инцидентот.

Портпарол на полицијата изјави дека нападот се случил во или во близина на трамвајот на Скверот 24 октомври, кој е веднаш затворен, а над местото на инцидентот кружат хеликоптери.