Намалените испораки на гас не се наша вина, тврди Москва

Испораките на рускиот гас до Европската Унија се значително намалени, но, тоа не е последица на дејствувањето на Русија, се наведува во денешното соопштение на руската Амбасада во Берлин, јавија руски медиуми.

„Снабдувањето на ЕУ со руски гас е значително намалено, но, тоа не е предизвикано со дејствувањето на Русија, туку последица е на антируските санкции”, пишува во соопштението на руската дипломатска мисија во Германија.