Најдена метална кутија со чоколада и цигари на војник од Првата светска војна

by fokus

Метална кутија со девет парчиња чоколада е пронајдена меѓу предметите кои му припаѓале на британскиот херој од Првата светска војна, Ричард Булмор.

На англиските војници стационирани во Франција за Божик ми биле поделени метални кутии со подароци.

Од металната кутија на Булмор е изедено само едно од десетте парчиња чоколада.

Кутијата со чоколада стара 103 години заедно со останатите предмети на војникот ќе биде понудена на аукција во вторник.

Водителот на аукцијата Пол Купер од аукциската куќа „Едисон“ изјави дека кутијата само по себе е ретка, но тоа што е полна со оргиналната чоколада е речиси неверојатно.

Меѓу останатите предмети на војникот има и подарок кутија со цигари, тутун и шкорчиња. Интересно е дека и кутијата со цигари е речиси недопрена, бидејќи недостасуваат само три цигари.

Предметите на војникот ќе се продаваат како целина и се очекува да достигнат вредност од 2.000 фунти.

Ричард Булмор е одликуван со повеќе медали за храброст, а по завршувањето на Првата светска војна се вработува во полиција, каде кариерата ќе ја заврши со чин началник. Умира во јануари 1967 година во Лестершир.

Поврзани новости