Наградата за Иванов во Сараево била изгласана пред аболицијата

by fokus 10:59
10:59

Комисијата во Сараево која гласаше за доделување на наградата „Иса бег Исаковиќ“ на претседателот на Македонија, Иванов ја донела одлуката уште пред да се прогласи аболицијата и пред граѓаните да излезат на улични протести. Фрањо Топиќ, член жирито за тамошните медиуми изјавил дека гласал за Иванов, но на увид ги немал сите детали околу неговата работа.

-Да, гласав за Иванов, но тоа беше од поодамна, кога немаше протести. Гласав оти лично сметав дека тоа е поврзување на нашите земји, без да навлезам во целосната работа на овој претсдател, изјавил Топиќ.

-Македонија беше еден од трите предлози, а случајно претседател на таа држава во моментов е Иванов, објаснил Енвер Имамовиќ од Комисијата.

Освен во Македонија, реакции на граѓаните има и во Босна и Херцеговина кои низ медиумите и социјалнит емрежи прашуваат зошто Македонија ја добила наградата и дека требало да се почека за некоја наредна година.

Експертите пак во Сараево коментираат дека таква престижна награда не смее да се доделува некому кој е олицетворение на криминал и корупција.

 

Поврзани новости