МВР за „бомбашот“ на Илинденска : За 16 минути две ракети ќе бидат испалени кон Владата

by fokus 23:55
23:55

Попладнево во 17,40 часот на телефонскиот број 192 од мобилен телефон се јавил маж и без да се претстави рекол дека „за 16 минути две ракети ќе бидат испалени кон зградата на Владата на Република Македонија за да ја уништат“, дознава „Фокус“ од извори во МВР во врска со попладневниот инцидент што предизвика и Амбасадата на САД да испрати предупредување до своите вработени да не се движат по Илинденска и во реонот околу Владата.

Нашите извори велат дека е пронајден мажот кој се јавил на 192 и веднаш бил однесен во полициска станица. Таму објаснил дека неговото јавување било мотивирано затоа што, како што рекол, „сакал да привлече внимание затоа што не бил задоволен од функционирањето на системот во државата“.

- Advertisements -

Во текот на денешниот ден, тој бил приведен во полициска станица за друго дело, за кое, според негово тврдење, не бил виновен.

Во МВР за „Фокус“ велат дека се преземаат соодветни дејствија за расчистување на случајот, а известен е и јавен обвинител.

Доцна вечерва МВР и преку соопштение ја потврди веста за човекот кој попладнево се јавил на телефонскиот број 192 од мобилен телефон и како што велат во видно алкохолизирана состојба ги испратил заканувачките пораки.

По упатените закани, МВР вели дека веднаш постапило и ги презело сите оперативно тактички мерки.

Поврзани новости