По извршениот преглед на видео материјалите од безбедносните камери во Собранието идентификувани се лица кои што учествувале во отстранување на претходно поставената блокада на вратата од внатрешната страна од главниот влез на собраниската зграда, информира МВР.
МВР потсетува дека, претходно ОЈО Скопје побара распишување на централни расписи за приведување на сите 15 лица за кои постојат основи за сомнение за сторени кривични дела.
„На 30.04 од слобода беа лишени осум лица кои што беа изведени пред судија на претходна постапка. Кај петмина од нив изрече мерка притвор во траење од по осум дена, за едно лице мерка домашен притвор, а за две лица мерка – претпазливост“, се вели во информацијата од полицијата.
СВР Скопје и натаму во координација со ОЈО Скопје интензивно работи на натамошна идентификација на лица кои што биле учесници во немилите настани од 27 април.