МВР: Двете исчезнати девојчиња биле пронадени кај Бит Пазар

Полицијата ги пронајде двете исчезнати малолетнички на подрачјето на Бит Пазар, информираа од МВР за „Фокус“.

„Денеска (01.04.2023) во 13.30 часот на ул.„Џон Кенеди“, кај продажен објект во паркот, од страна на полициски службеници од Полициска станица Бит Пазар пронајдени се малолетничките М.К.(15) и А.А.(12), за кои на 30.03.2023 во вечерните часови беше пријавено дека се оддалечиле“, се наведува во соопштението од МВР.

По документирање на случајот, малолетничките ќе бидат предадени на родителите.