Министерството за труд и социјална политика соопшти дека денеска почнува етапната исплата на пензиите за септември, кои продолжуваат да се исплатуваат предвремено.
Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата:
За пензии со висина до 11.000 денари, исплатата да се изврши на 29.09.2022 година (четврток);
За пензии со висина 11.001-14.000 денари, исплатата да се изврши на 30.09.2022 година (петок);
За пензии со висина 14.001-18.000 денари, исплатата да се изврши на 03.10.2022 година (понеделник), и
За пензии со висина над 18.001 денари, исплата да се изврши на 04.10.2022 година (вторник).
Пензионерите кои користат платежна картичка, поврзана со сметката на која се префрлува пензијата, со парите можат да располагаат од денеска. Тие можат да ја подигнат пензијата на банкомат, да ги користат средствата за плаќање во трговската мрежа или за електронски плаќања, информираат од МТСП.