Момче прободено со нож во тепачка во основно училиште

Петнаесетгодишен ученик е повреден со нож во вратот од страна на соученик во тепачка што се случила вчера изутрина околу девет часот во Основното училиште „Петар Здравковски – Пенко“.

МВР информира дека тепачката настанала помеѓу двајца ученици на 15-годишна возраст од Скопје. Во тепачката еден од учениците бил повреден со нож во пределот на вратот. Укажана му е лекарска помош во Клинички центар Скопје, каде му била констатирана телесна повреда, по што бил пуштен на домашно лекување.