Могерини: Загрижувачки и многу тажни се случувањата во Скопје

by fokus 11:12
11:12

Тоа што го видовме вчера во Скопје е особено загрижувачко и многу тажно за сите нас, изјави високата претставничка за надворешна политика и за безбедност на Европската Унија, Федерика Могерини.

Синоќешните случувања во македонското собрание беа првата тема што пред новинарите ја отвори Могерини, непосредно пред почетокот на неформалниот состанок на министрите за надворешни работи на земјите членки на Европската Унија и на земјите-кандидати за членство во ЕУ – Македонија, Албанија, Црна Гора, Србија и Турција.

- Advertisements -

– Тоа што го видовме вчера во Скопје е особено загрижувачко и многу тажно за сите нас. Насилството секогаш го сметаме за неприфатливо, уште повеќе кога се случува во куќа на демократијата – во парламент. Веруваме дека сите во Скопје треба да ги следат принципите на Уставот, демократијата и да се обидат да ја извлечат земјата од оваа сериозна криза, која може да биде опасна – изјави Могерини.

Поврзани новости