МНР потврди: Украдено е службеното возило на македонската амбасада во Мадрид

by fokus

Службеното возило на македонската амбасада во Мадрид е украдено пред два дена, а кражбата е пријавена во националната полиција, потврди за „Фокус“ Министерството за надворешни работи.

За кражбата се известени Интерпол и Министерството за надворешни работи на Кралството Шпанија, како и осигурителната компанија во која е осигурано возилото.

Станува збор за возило „ауди А6“ кое е единствен автомобил што го поседува амбасадата.

„На 24. 10 2016 година е украдено службеното возило на амбасадата на Република Македонија по што кражбата е пријавена во националната полиција во Мадрид каде е составен записник за состојбата“, велат од МНР.

Министерството демантира дека службеното возило е скришум земено за приватни цели од страна на вработен во амбасадата.

 

Поврзани новости