Мицкоски: Одложувањето на пратката вакцини е срам, нека седнат и нека ги потпишат оставките

by fokus 16:02
16:02

Претседателот на ВМРО-ДПМНЕ Христијан Мицкоски побара оставки од надлежните поради одложувањето на првата пратка вакцини за Ковид-19 од Србија во Северна Македонија.

-Срам, како може да го коментирам овој случај. Едноставно со еден збор може да кажеме дека веќе се срамам што сум дел од ова, па макар и опозиција, би рекол политичко мочуриште. Тоа е срам кој на дневна основа ни го приредуваат луѓе од Владата, и тој срам го приредуваат на цела држава, на цел народ. И тука нема политички неопределени, определени, верски, вакви и такви или и национално, Македонци, Албанци, Турци, Роми, Власи, Срби, Бошњаци и останати. Ова е брука и голем срам кој ни се случува на сите, рече Мицкоски, кој беше во посета на село Горно Коњаре, прилепско.

- Advertisements -

Лидерот на опозициската партија кажа дека не само што сме последни или сме држава во која нема вакцини, туку веќе и ни се потсмеваат.

–Не само што сме последни, туку почнаа веќе и мајтап со нас да си играат сите. Наместо да седнат и да ги потпишат нивните оставки, тие уште ги гледам се обидуваат да наоѓаат оправдувања преку некои ступидни соопштенија кои ги лиферуваат во јавноста и велат недостасувале документи, им недостасува памет. Тоа е она кое можам да го кажам, ако имаа малку повеќе памет и стратегија и визија тогаш немаше денес ние да бидеме последни да се срамиме со нивните постапки, рече Мицкоски.

Поврзани новости