Милошоски до Османи и Димитров: Нема да ја расипеме вашата провладина забава, нема да учествуваме во ваква пародија

by fokus 11:53
11:53

По говорот на пратеникот од ВМРО-ДПМНЕ, Антонијо Милошоски, пратениците од оваа партија ја напуштија седница на собраниската Комисија за европски прашања, на која се дискутира за тоа што земјата не доби датум за преговори со ЕУ.

Милошоски ја покажа фотографијата од вицепремиерот за европски прашања Бујар Османи и министерот за надворешни работи Никола Димитров, од лани, кога тие се пофалија дека земјава добила датум за почеток на преговори.

- Advertisements -
Banner Renault 300x250

Тој рече дека местото за дискусија за неуспехот на владата за евроинтеграциите е Комисијата за надворешни работи, а ова што се случува денеска го нарече владина забава.

– Министрите кои ширеа лажни вести сега ќе треба тоа да го објаснат. Дали е постигната целта? Не е постигната. Османи и Димитров ќе зборуваат за одговорноста на странски политичари и за Брегзит и Кина, а не за нивната одговорот. Тие ќе понудат манипулативни објаснувања, ќе се откажат од ланските изјави, но не и од функциите. Ние нема да учествуваме во ваква пародија. Денеска нема да ја расипеме вашата провладина забава, за вистинска дискусија дојдете утре на Комисијата за надворешна политика – рече Милошоски.

Вицепремиерот Османи вели дека тоа што европскиот совет не постигна консензус за давање датум е историска грешка и неправда, но како што вели чувството на разочарување не треба да не оддалечи од патот на реформи и пријателството со другите држави.

Поврзани новости