Мијалков два часа одговараше на прашања на СЈО

По речиси два часа распит Сашо Мијалков, екс директорот на УБК излезе од просториите на СЈО.

Тој не сакаше да даде изјава пред новинарите – кусо прокоментира дека тоа ќе го стори во друга прилика. Мијалков е првоосомничен во случајот „Тортура“, поточно за сурово и нечовечко апсење на Љубе Бошкоски во 2011 година.

Случајот „Тортура“, СЈО пред јавноста го презентираше на 28 март, а истрагата е отворена поради грубото и непрофесионално апсење на лидерот на Обединети за Македонија, Бошкоски.

В.В.