Михајловски: „Вест“ ќе брка новинари дека го лајкнувале мојот сајт

by fokus 20:07
20:07

Поранешниот уредник на дневниот весник „Вест“ и негов основач, Горан Михајловски, денеска објави дека дознал дека од весникот ќе се бркаат девет вработени, поради тоа што го лакнувале неговиот сајт „Сакам да кажам“.

Еве што напиша Михајловски:

Дами и господа од МПМ,

Дознав дека ќе бркате девет луѓе од ВЕСТ затоа што лајкувале статуси на www.sakamdakazam.mk или сте ги виделе дека пијат кафе со мене.

 Ќе носите цели фамилии на душа. Ќе избркате погрешни луѓе.

Бидете доблесни и признајте си го неуспехот што ви го донесе новиот кадар во уредувачкиот тим.

А тоа што вашите новинари лајкуваат на Фејсбук теми од друг медиуми е само доказ дека не можат да си ги лајкнат во својот медиум затоа што не смеат да ги објават.

А јас ќе продолжам да пијам кафе и со тие што нема да ги избркате бидејќи со некои од нив сум живеел и работел повеќе од 20 години и колегијалноста преминала во пријателство. Со многу од нив и децата заедно ни растат.

Срдечен поздрав,

Горан Михајловски

Поврзани новости