До крајот на денот под влијание на југозападно воздушно струење, ќе започне да дува умерен, на некои места засилен ветер од југозападен и западен правец. Температурите на воздухот ќе бележат тенденција на понатамошен пораст, истите ќе се искачуваат во интервалот од 6 до 14 степени. Времето ќе биде сончево со умерена локална облачност, особено во попладневните и вечерните часови во западните предели ќе има услови за слаби локалени врнежи од дожд, на планините снег.
Понатаму и во следните два до три денови ќе се задржи променливо облачно време со повремен локален дожд, на повисоките планини од снег. И утре ќе дува умерен, на некои места засилен ветер од западен и од југозападен правец, во четврток ветерот ќе го промени својот правец во северен, ќе биде поизразен долж Повардарието и во источните предели од државава а услови за локално провејување на снег ќе има и на повисоките места.
Во среда максимумот на температурите на воздухот ќе се искачува во интервалот од 7 до 15 степени, во четврток истите ќе бележат тенденција на не многу голем пад и ќе се искачуваат во интервалот од 4 до 13 степени. Минималните температури пак особено во петок наутро на повеќе места ќе се спуштат не многу под нулата.
Подготви: Славчо Попоски