Адвокатот на бизнисменот Орце Камчев, Тони Менкиноски, денеска истакна дека случајот околу приведувањето на неговиот клиент е стигнато до Советот на Европа.
-Би сакал најнапред да Ве информирам дека предметот за незаконито лишување од слобода или „киднапирање“ на Јордан Камчев е веќе предмет на опсервација и разгледување на повеќе меѓународни ентитети на Совет на Европа чиј мандат е заштита на основите човекови права, како и предмет на анализа и публикување во реновирани средства за јавно информирање надвор од Македонија, истакна Менкиноски.
Тој потоа посочи дека причината за денешната прес конференција е појавата на фамозната белешка од страна на “загрижен граѓанин” во Македонија и нејзино интерпретирање од страна на Јавниот обвинител за организиран криминал, Вилма Рускоска, дека истата не е доказ во постапка во која е притворен Јордан Камчев.
-Имено, ова е една голема лага, а за да ве увериме во истата, ви ги доставуваме сите Решенија на судот со кои е ограничена слободата на Јордан Камчев, каде што експлицитно еден и единствен доказ е белешката на Агенцијата за национална безбедност.
Ние не знаеме дали ги има исплашено содржината на белешката па сега се обидуваат да лажат дека истата не е доказ во постапката, а како што знаеме и како што виде македонската јавност, белешката е празна и не содржи ништо. Да напоменеме согласно со македонското позитивно право или поточно со чл.43 ст.2 од законот за АНБ ,изрично е забрането податоците од АНБ да се користат како доказ во кривична постапка. Би сакаме да потсетиме дека одбрана во целиот арбитререн процес укажува на ова противправно и незаконито дејстување на АНБ и Јавниот обвинител. Но, ниту Судијата на претходна постапка, ниту кривичниот совет ниту Апелационен суд не сакаат да обрнат внимание, и оваа белкешка ја сметаат за единствен доказ во нивните одлуки, рече Менкиноски.
Тој повторно ја спореше надлежноста на АНБ а во врска со следењето на Камчев.
-Зошто Јордан Камчев бил предмет на обработка на АНБ? Законските овластувања на АНБ се предвидени во Закон за агенција за национална безбедност, а согласно своите надлежности утврдени во истиот закон Агенцијата собира, обработува, анализира, проценува, разменува, чува и штити податоци и информации со цел откривање и спречување на активности што се поврзани со безбедносни закани и ризици за националната безбедност на државата согласно член 4 и тоа: шпионажа, тероризам и негово финансирање, насилен екстремизам и други активности поврзани со безбедносни закани и ризици за националната безбедност на државата и сл односно дела кои ја загрозуваат националната безбедност на државата.
– Дали Јордан Камчев претставува закана по националната безбедност?, праша адвокатот.
Тој додаде дека дури и АНБ да ги имала овие информации, биле должни да ги поткрепат со докази.
-Дури и да ги добиле овие информации, во АНБ имале должност овие сознанија да ги поткрепат со докази, кои ќе ги обезбедат преку барање до Врховниот Суд да дозволи ПИМ мерки за следење на лицето Јордан Камчев, или преку оперативно следење. Спротивно на тоа, тие без обезбедување на докази ја дале оваа информација до Јавниот обвинител Лиле Стефанова. Чиста злоупотреба на службената положба на во АНБ, за која злоупотреба некој ќе мора да сноси одговорност, истакна адвокатот.
Тој побара кривична одговорност и за обвинителката Лиле Стефанова.
-Кривична одговорност постои и за Јавниот обвинител Стефанова, која врз основа на напишани непотврдени сознанија БЕЗ ОБЕЗБЕДЕНИ докази предложила МЕРКА ПРИТВОР. Кривична одговорност и за судијата на претходна постапка кој ја одобрил мерката без да има ДОКАЗИ за тврдењето дека лицето Камчев припрема бегство! Кривична одговорност и за судиите од Кривичниот Совет кој по истиот скандалозен основ, ја продолжија мерката притвор!, рече адвокатот.
Тој повтори дека оваа белешка се уште не и била доставена на одбраната.
-Собранитската комисија ја има оддржано нејзината сединица но сеуште немаме добиено известување за дисквалификација на белешката. Зошто АНБ не ја дава на увид оваа белешка и доказите кои ги „прибавиле„ до Собраниската Комисија за надзор на работата на АНБ? Пратениците биле известени дека причина за тоа е бидејќи е истрагата сеуште во тек! Уште една ноторна лага на директорот на АНБ. Истрагата за случајот „плацеви на Водно„ е завршена!
Би сакал да напоменам дека ние како одбрана бараме фер постапка пред објективен и непристрасен орган во Македонија, каде низ аргументи и докази ќе докажеме дека Јордан Камчев не е виновен и дека се работи за процес со кој се сака да му се наштети на неговиот углед и репутација како истакнат стопанственик.
Меѓународниот мониторинг во овој случај е се поизвесен и на крај би сакале да констатираме – до кога ќе се држат случаи во фиока и ќе се забораваат без никаква одговорност!, истакна Менкиновски.