Медиум близок до ВМРО-ДПМНЕ извести дека Митко Кожувчанка е задржан во полиција, тој демантира

by fokus 22:30
22:30

Медиум близок до ВМРО ДПМНЕ вечерва информираше дека Митко Јанчев, кандидат за градоначалник на Кавадарци од ВМРО ДПМНЕ бил задржан повеќе од еден час во полициска станица.

-Поминаа триесетина дена откако кандидатот за градоначалник на ВМРО-ДПМНЕ за Кавадарци беше застанат од полиција и му беше вперено оружје и беше малтретиран. Нема никаква одговорност, ниту дисциплинска постапка. Веќе еден час повторно вечерва го држат во полициска станица. Тоа е СДСМ и нивното спроведување избори, истакна вечерва од Могила, лидерот на ВМРО-ДПМНЕ Никола Груевски’’ – пренесе порталот, а веста набргу се прошири и на социјалните мрежи и предизвика низа од коментари и прашања од граѓаните.

- Advertising -

,,Фокус’’ телефонски го контакрираше Јанчев, кој ни изјави дека се работи за грешка.

,,Грешка е. Јас  не бев ниту приведен, ниту задржан во полиција, туку тоа беше мој другар и моја десна рака, Горан. Тој беше задржан во станицата во Кавадарци, наводно поради вршење на притисок околу гласањето, а сега е пуштен. Наводно, тој отпуштил двајца келнери, а келнерите исто така се повикани на разговор во полициската станица во Велес. Јас не сум задржан во станица, не е точна информацијата’’- ни изјави Јанчев.

Тој во недела ќе се ги измери силите со Бетиан Китев од СДСМ, на вториот круг од локалните избори.

Вики Клинчарова

Поврзани новости