Матичните лекари ќе штрајкуваат во петок

Матичните лекари во петок ќе протестираат три часа со тоа што на пациентите нема да им издаваат електронски упати, а сепак ќе ги прегледуваат и ќе им пишуваат рецепти.

Ваква одлука паднала на Собранието на Здружението на приватните лекари, по истекот на рокот од дваесет дена кои им го дадоа на надлежните за преговори.

Матичните бараат фиксни плати од 40.000 илјади денари за лекар и 20.000 денари за медицинска сестра, зголемување на надоместокот по пациент и решавање на суштинските проблеми со префрлањето на пациентите кога еден од двајцата лекари ќе ја напушти ординацијата.