Маричиќ: Ги зајакнуваме можностите за конфискација на нелегално стекнатиот имот

by fokus 14:37
14:37

Во претстојниот период, нашиот фокус е на подготовка на нов Закон за потекло на имот, како и подготовка на нов Кривичен законик. Најзначајно, Северна Македонија работи на воведување на концептот на дигитална судница, а во наредниот период ќе дигитализираме околу 200 судници во државата, истакна министерот за правда, Бојан Маричиќ, кој преку видео-врска се обрати на 30 – тата сесија на Комисијата за спречување на криминал и кривична правда на Канцеларијата на Обединетите нации за дрога и криминал (УНОДЦ).

Маричиќ во своето обраќање ги претстави реформите кои Министерството за правда ги презема во областа на кривичната правда.

- Advertisements -

Како што информираат од Министерството за правда, министерот Маричиќ нагласил дека Северна Македонија вложува напори да ја зголеми ефикасноста во борбата против нелегалните финансиски текови и да ги зајакне можностите за конфискација на нелегално стекнатиот имот и ја потенцирал значајноста за отпочнување на преговорите со ЕУ, затоа што овој процес, како што кажал, може само позитивно да влијае и значително да ги забрза реформите во Северна Македонија.

Поврзани новости