Манчевски: Откако завршија со Села тргнаа по нас да не ловат со јамка

by fokus 14:00
14:00

За поголемиот дел од обвинетите, министерот Дамјан Манчевски, денеска во судницата во Кривичниот суд рече дека ги видел во собраниската сала дента на 27-ми април. Меѓу обвинетите кои ги препозна се Александар Јаневски Тоста, Никола Воиновски, Кире Ѓоргиевски.

-Еден не го гледам во судница, а беше облечен во дрес и беше во непосредна близина на Села. Не можам да кажам дали го нападнал Села, но можам да кажам дека беше еден од најагресивните – рече Манчевски.

- Advertisements -

Тој додаде дека откако се тргнале од Села, напаѓачите се упатиле кон останатите пратеници.

-Направија јамка и се обидуваа да не уловат и да не извлечат од толпата. Тие ја прославија смртта на Села и најверојатно сакаа во иста насока да продолжат и со нас  -рече Манчевски.

Манчевски истакна дека не се сеќава кој од обвинетите што му направил на Села, но, како што рече, добро се сеќава што му направиле нему.

-Кирил Ѓоргиевски, Никола Воиновски и Цео Ѓоргиевски лично ми се закануваа и ме удираа – истакна Манчевски.

В.В.

Поврзани новости