Маленко се огласи од Словенија: Со 50 денари пијат цел ден едно кафе и расправаат рекла – кажала!

by fokus

Поранешниот пливач и олимпиец Александар Маленко (42) се скраси во Марибор, Словенија.

Првиот човек на Пливачката федерација веќе одреден период престојувал во Словенија, од каде е неговата нова сопруга, словенечката пливачка Метка Спаравец, а животот во една европска земја, како што вели, му одговара бидејќи Словенија е во ЕУ, и поради тоа полесно можел да ги извршува своите работни обврски.

-Со постојана адреса во Марибор живеам со сопругата и семејството, не сум се преселил, ни работа, ни приватност, но ги споив двете работи на едно место со адреса на едно место. Со свој дом во Марибор можам да бидам секаде на време, а како секој човек и со својата фамилија – раскажа Маленко за естрадниот магазин ,,Бекстејџ”.

Тој секогаш го привлекуваше вниманието на јавноста, најпрвин поради пливачките успеси, а потоа и поради бурниот приватен живот. Околу животот во Македонија, порача дека последните 15 години општеството имало изобличени вредности.

-Секојдневни прифаќања на нездрави вредности на живот ги прикажуваме како основни вредности на живот. Нека си продолжат со рекла-кажала коментари, со 50 денари да пијат едно кафе цел ден и да го лигават, да останат канцер на едно општество кое е пример за губење на својот идентитет.

Растен сум во семејство со здрави општествени вредности, преблагодарен сум на родителите кои ме научија на основните вредности, култура, почит, дисциплина и одговорност. Тоа се основни работи кои секој родител треба да му ги каже на своето дете! –порача Маленко, кој минатиот месец се ожени по петти пат, а за јавноста откри дека со Метка се запознале пред 26 години, на ЛОИ во Атланта.

Вики Клинчарова

Поврзани новости