Мала победа за Македонија, голема за Гевгелија!

by lali 09:59
09:59

По серија на исто секојдневние, на (не)случувања во Македонија, успешниот референдум во Гевгелија донесе мало светло на крајот од тунелот за сите. Гевгеличани јасно и гласно, заедно се одлучија да кажат НЕ на големото прашање за отварање на рудници на планината Кожув. Ова исто така е и големо ДА за чиста околина и здрава иднина на градот.

Иако референдумот не е под облигација, односно НЕ е обврзувачко и не преставува гаранција за општинските власти и за владата при доделувањето концесии за отворање рудници, тој сепак е гласот и желбата на граѓаните што живеат таму и преставува нивна важна и конечна одлука.

- Advertisements -

Важноста на овој референдум не се мери само за околината на Гевгелија и зачувување на животната средина, туку има големо влијание врз свеста и важноста на сите следни локални референдуми. Преставува поттик и пример на обединување за заедничка цел и на спротиставување на граѓаните кон политиките од властите што не им одат во прилог.

Затоа едно ќе посакам, ваквиот терк на референдумски прашања да продолжи и да се практикува секаде низ Македонија, затоа што кога станува збор за нешто што е од општо добро, односно значајно за граѓаните, тие го имаат последниот и главниот збор, а не локалните и државните власти. Овој референдум навистина е од големо значење за Гевгелија, и воопшто за Македонија.

Поврзани новости