Македонија четврта во светот по најлоши образовни резултати. Вака беше рангирана на најновото меѓународно тестирање ПИСА за постигнувањата на ученици на 15-годишна возраст по јазична писменост, математика и природни науки, за минатата година.
Полошо од Македонија се рангирани само Косово, Алжир и Доминиканската Република. Најдобри резултати пак, имаат учениците од Сингапур, Јапонија и Естонија.
Инаку, Меѓународното тестирање ПИСА е една од најчесто користените алатки во светски рамки за мерење и оценување на практично применливото знаење на учениците во образовниот систем во матичната земја. Оценувањето се спроведува во повеќе од 60 држави од целиот свет и го реализира Организацијата за економска соработка и развој – ОЕЦД на секои пет години.
Македонија по втор пат учествува во ПИСА. Првиот пат беше во 2000 година, кога исто така постигнувањата на учениците беа меѓу најслабите.