Македонка стана најмлада менторка во НАСА

Младата Мартина Димоска, која беше прогласена за личност на годината на „Нова Македонија“ во 2014/2015 година откако го освои првото место на Меѓународниот натпревар за вселенски апликации на НАСА во Македонија при „Њуменс бизнис-акцелераторот“ продолжува со своите огромни успеси и на возраст од 22 години стана најмладата менторка во НАСА, пишува Нова Македонија.

Истовремено, таа постојано го надградува своето образование во домашни и во реномирани странски образовни институции и сега ја очекува својата трета факултетска диплома.

Таа на 22 години веќе има стекнато дипломи по мехатроника, роботика и вградени системи на академијата „Њуменс бизнис-акцелератор“ и по аеронаутичко инженерство на универзитетот „Кент Стејт“.