Македонија не учествува, но ќе врши пренос на Евровизија

by fokus

Поради енергетската криза, но и поради високи трошоци за учество на музичката манифестација Евровизија, Македонија годинава нема да учествува на настанот, но сепак ќе врши пренос на двете полуфинални вечери и на големото финале.

Евровизија годинава ќе го има 67-то издание и ќе се одржи во Ливерпул.
Од регионот, на првата полуфинална вечер на 9-ти мај, ќе настапат Србија и Хрватска.
На втората полуфинална вечер пак, на 11-ти мај, од регионот ќе настапат Грција и Албанија.

Првата вечер настапуваат 15, а втората вечер 16 земји. Финалето ќе се одржи на 13-ти мај.

Во соопштението на Македонската Радио Телевизија, од лани, кога информираа дека земјава годинава нема да учествува на Евровизија, изразија надеж дека по стабилизирање на финансиската состојба, повторно ќе се вратиме со редовни учества на настанот.

Вики Клинчарова

Поврзани новости