Македонија им помага на луѓето погодени од поплавите во Србија и Босна

by Фокус 10:40
10:40

По страшното невреме и поплавите кои ја зафатија Србија и Босна и Херцеговина проработи хуманоста кај луѓето. Во Македонија се формираат фејсбук групи и се организираат хуманитарни акции кои ќе им помогнат на луѓето кои ги изгубија своите домови во поплавите.

- Advertising -

Неформални групи за собирање материјална помош за Србија се: За комшиите се работи!, Хуманитарна акција!, Молете се за Србија! и Хуманитарна акција за  помош на настраданите од поплавите во Србија (на последниот линк може директно да се испраќа финансиска помош).

Освен тоа, во недела во 12 часот, група граѓани на плоштадот Македонија во Скопје организира хуманитарно собирање на облека и постелнина, вода, млеко во прав, пелени, и по тој повод се замолуваат сите оние кои се во можност да дојдат и да помогнат колку можат.

Собраните средства ќе бидат донирани директно во Босна и Србија за поддршка на најпогодените заедници и индивидуи со најголема потреба. ЦИРа како организатор на оваа хуманитарна иницијатива, ќе ги трансферира собраните средства на партнерските организации од Србија и Босна, кои работат во областа на развојот на филантропијата.

Поплавите предизвикаа илјадници луѓе да ги напуштат домовите, да уништат голем број на патишта и мостови, да ги затворат училиштата, и да предизвикаат прекин во снабдувањето на електрична енргија за цели градови.

 

Поврзани новости