Македонија и Грузија најмногу помилуваат затвореници

Според најновиот Извештај на Советот на Европа за статистика поврзана со затворениците, Македонија во 2014 година по разни основи помилувала или ослободила 1.342 затвореника. Според овие бројки, Македонија е на второ место по број на помилувани затвореници во Европа. Пред нас е само Грузија која помилувала над 9.000 лица.

Според податоците на Советот на Европа, во Македонија во 2014 година имало 12 индивидуални, 18 колективни и 1312 друг вид на помилувања/ослободувања.

Во Европа најголем дел од државите не направиле ниту едно помилување или ослободување по било каков основ.